قصة واقعية اميرة الصغيرة

قصة واقعية 

انا حقولكم قصدي من القصة دي بكل صراحة ممكن تدوني فرصة احكي ارجو منكم تقرئوا 

كل اللي حقولو لأنها مهمة جدا 

انا اسمي اميرة وبداية قصتي لما كنت صغيرة كنت اسكن في مكان راقي  احنا كنا 5 افراد في البيت ماما وبابا واختي واخويا  بالنسبة لسن اخوية 15 سنه واختي 12 وانا 6 سنوات كنت الدلوعة بتاعة البيت اخر العنقود

كنت بروح المدرسة في باص المدرسة وارجع اول ما اخرج كنت اروح اشتري حلوي بشوكلاته من عند استاذ احمد صاحب السوبر 

ماركت اللي جنب العمارة اللي ساكنة فيها انا كنت بلبس لبس المدرسة وكنت بفرح جدا لما البس اللبس دة وكان شعري حرير وماما 

كانت دايما تقولي اهم حاجة شعرك وريحتك تبقي جميلة عشان الناس تحبك وتحب ريحتك الجميلة  وفعلا ماما دايما كل ما اخرج 

بتخليني زي العروسة الجميلة لما روحت اشتري الحلوي من عند استاذ محمد يقولي ايه العسل دة يديني الحلاوة ويديني وحدة زيادة 

ويقولي دة عشان إنتي جميلة اوي يا اميرة وكنت مبسوطة قبل ما اركب الباص اتفاجئ انه عم ايمن بيبص علية بصات غريبة جدا هو وخارج من الصيدلية اه عم ايمن دة 33سنه ساكن في العمارة رقم 4 بترتيب العكسي للعمارات اللي ساكنين فيها كنت دايما بخاف 

ابصله وعارفة دايما بيبص علية انا وبركب الباص ويبص علي لبسي ولما اركب الباص بيخيل انه بيبص علي رجلي وكل حاجة فيا 

وانا بخاف جدا منه ومن نظراته في مرة خرجت اجيب طلبات من السوبر ماركت اللي صاحبة استاذ احمد اتفاجئ ب عم ايمن بيزعق معه  بيقولة قولتلك حديلك المبلغ بالكامل هو انا حضحك عليك وفي عز المشادة الكلامية بينهم بصلي استاذ احمد وقلي عاوزة اية يا 

اميرة قولتلة خد ماما بتقولك هات الطلبات دي اللي في الورقة قلي حاضر دخل جوة يجيبها وكان واقف جنبي عم ايمن بيبصلي 

وبيقولي ازيك يا اميرة قولتلة كويسه ياعمو باس راسي وقلي اختار حاجة من الحلويات اللي قدامك او الشبسي او اي حاجة وخديها وهو  حاطط ايدة علي كتفي 

وبين رقبتي وفجأة واثناء ما استاذ احمد جوة بيجيب الطلبات عمل حاجة غير متوقعة 

الجزء الثاني
↚
عمل حاجة غير متوقعة لف إيده علي وسطي وقلي انتي دلوقتي في سنه كام في المدرسة قولتلة انا في سنه3ابتدائي قلي مين بيحطلك 

البرفان وبيسرحلك شعرك كدة كل صبح قولتلة ماما قالي انتي علطول ريحتك حلوة اوي قلت له ماما دايما بتقولي اعملي كدة وبعدين 

استاذ احمد جه وقلي خدي يا اميرة الطلبات وحط ايدة علي شعري وكان حيقرص خدودي راح عم ايمن مسك ايدة قبل ميقرصني 

وراح عم ايمن قلي روحي ياحبيبتي وانا وماشية سمعت عم ايمن بيقولة متعملش تاني كدة مع اميرة قلة هيا بيضة وحلوة وبحب 

اشوف خدودها حمراء بصيت عليهم هو وبيقولة كدة راح عم ايمن بص علي استاذ احمد من فوق لتحت كدة وخد علبت السجائر 

ومشي روحت لقيت امي زعلانة والبيت كلة زعلان قولتلهم في اية قالو بابا حيسافر يشتغل برة سنه كدة او اكتر عشان يحسن من 

الدخل بتاعنا انا زعلت وقعد ابكي بابا حضني وقلي ياعبيطة مش حتاخر بابا قعد 5 سنين برة وانا سني بقي 13 سنه واخوية 20 

واختي 17 وانا  بقيت في الفصل السادس الابتدائي وكان فضلي اخر سنه ومش حركب الباص حروح في مدرسة تاني وباص تاني 

حيخدني  خلال الوقت دة كنت كبرت وجسمي حدثت في تغييرات جسدية وماما كنت بتقولي إنتي خلاص حتبقي انسة اميرة وتضحك 

وكانت امتحانات اخر السنة اخر يومين فيها وخلاص كان فضلي يومين من الامتحانات كنت الصبح بجهز شنطتي عشان بحب اجهز 

كل حاجة بليل وذهبت اجيب قلب ومسطرة وحجات تاني لانو حجاتي خدتهم اختي وضاعوا منها والوقت كان متأخر جدا الساعه 

10.30 بليل روحت عند استاذ احمد اجيب ادوات الامتحان لانه هو عندة مكتبة صغيرة في السوبر ماركت كان منزل الباب بتاع 

السوبر ماركت قد النص مش مقفول اوي  قعدت اقول يا استاذ احمد سمعته بيقول مين قولتلة انا اميرة رفع الباب بتاع السوبر ماركت شوية وقلي اية ياحبيبتي عاوزة اية قولتلة عاوزة قلم ومسطرة وكشكول قلي حاضر لاحظت عيونة حمراء ومخبي حاجة وراه كدة 

وبيبص عليا وعلي جسمي وكأنة بيشوفني لاول مرة قولتلة في ايه يا استاذ احمد مالك قلي لا ولا حاجة راح ساب الحاجة اللي مخبيها 

ورة ظهرة وببص عليها لقيتها ازازة مرسوم عليها نجمة عرفت طبعا لما كبرت انها ازازة خمرة بس قلي تعالي يا اميرة عشان 

الحجات عالية ومش حعرف اطولها حشيلك وانتي تجبيها قولتلة انا وخايفة خلاص مش مهم يا استاذ احمد قلي لا تعالي متخافيش 

النور كلة منور وانا كنت مرعوبة من نظراته ليا لما وقفت جنبة وقربت كده قرب هو اوي جنبي وراح

الجزء الثالث
↚
وراح حط ايدة علي وسطي وراسه عند خدودي وقلي حرفعك اهو عشان تجيب دست الاقلام هو ولسه حيرفعني لقيت الباب اترفع 

واتفجأت ب عم ايمن قال في اية لية قعدة جوة يا اميرة و قال  للاستاذ احمد مالك يا احمد في اية مالك ب اميرة ولية مدخلها جوة قلو 

انتا عاوز اية يا ايمن قلة بسألك رد عليا قلة عاوز حجات للمدرسة وكنت حرفعها وتجيبها هيا  قلو مفي ام سلم قدام اهو انتا اعمي 

متطلع علية وهات اللي عاوزة مالك بيها وحاطط ايدك لية كدة تحت قرب عم ايمن وكان بصراحة جسمة كبير زي اللي بيلعبة حديد 

وزق استاذ احمد بعيد وبصلي وقلي مش عاوزك تدخلي هنا تاني يا اميرة ومتطلعيش في الوقت المتأخر دة تاني جاب السلم وطلع 

علية وبص علي الازازة عرفها خمرة قرب ل استاذ احمد وقلة انتا مش حتبقي محترم خالص في حياتك ابدا اية الوساخة بتاعتك دي 

وتف علية ومسك ايدي وخرج و وصلني لحد العمارة وقلي اطلعي وشوريلي من فوق في البلكونة عشان اطمن عليكي وفعلا طلعت 

وشورت ل عم ايمن وكبرت وانا دلوقتي 24 سنه متزوجة وملخص قصتي انه عمرك متأمني لبنتك تخرج في وقت متاخر ولو طولت في مكان المفروض تقلقي عليها وعلى فكرة كل اللي بنسمع عنو من تحرش للأطفال بيبدأ خطوة خطوة من اصحاب القلوب والعقول 

المريضة ودا بيخلينا نخاف ونعمل الف حساب وحساب لكل خطوة لأطفالنا اما عم ايمن انهردة زوجي عزمه عندنا وانا بعمل احسن 

اكل وكتبت الكلام دة كلة انا وفي المطبخ عشان انبه كل ام وكل اب علي بنته ويخلي بالو منها قدر المستطاع وشكرا ليكم